सिरियामा आईएसविरुद्ध अमेरिकी आक्रमण , ९० भन्दा बढी क्षेप्यास्त्र प्रहार

अमेरिकी सेनाको सेन्ट्रल कमान्ड (सेन्टकम) ले सिरियामा इस्लामिक स्टेट (आईएस) विरुद्ध आक्रमण सुरु भएको जनाएको छ । सेन्टकमका अनुसार यो आक्रमण सन् २०२५ डिसेम्बर १९ मा घोषणा गरिएको ‘अपरेसन हकआई स्ट्राइक’ अन्तर्गत हो ।

गएको डिसेम्बर १३ मा अमेरिकी सेनामाथि भएको आक्रमणको प्रत्युत्तरस्वरूप यो अपरेसन सुरु गरिएको सेन्टकमले जनाएको छ । पछिल्लो आक्रमणमा ९० भन्दा बढी क्षेप्यास्त्र प्रहार गरिएको बताइएको छ ।

अमेरिकी सेना र उसका साझेदारहरूले आईएसका विभिन्न लक्ष्यमाथि हवाई आक्रमण गरेका हुन् । बीबीसीका अनुसार राष्ट्रपति डोनाल्ड ट्रम्पको निर्देशनमा आईएस लक्षित सैन्य कारबाही थप तीव्र पारिएको हो ।