इरानमा फेरि तनाव, तेहरानमा प्रदर्शन चर्कियो, इन्टरनेट–फोन सेवा बन्द

इरानको राजधानी तेहरानमा बिहीबार राति सरकारविरोधी प्रदर्शन चर्किएको छ। निर्वासित युवराज रेजा पहलवीको अपिलपछि सुरु भएको प्रदर्शनसँगै सरकारले इन्टरनेट र फोन सेवा बन्द गरेको छ।

प्रदर्शनकारीहरूले घरका छत र सडकमा उत्रिएर नाराबाजी गरेका थिए। प्रत्यक्षदर्शीका अनुसार प्रदर्शन सुरु हुनासाथ देशको बाह्य संसारसँगको सम्पर्क लगभग विच्छेद भएको छ।

देशभर फैलिएको आन्दोलनमा हालसम्म ३९ जनाको मृत्यु भएको छ भने २ हजार २६० भन्दा बढी पक्राउ परेका छन्। राजधानीसहित विभिन्न सहरमा बजार बन्द गरिएका छन्।

बढ्दो आर्थिक संकट, महँगी र बेरोजगारी विरोधको मुख्य कारण मानिएको छ। अमेरिकी राष्ट्रपति डोनाल्ड ट्रम्पले प्रदर्शनकारीमाथि हिंसा भए चुप नबस्ने चेतावनी दिएका छन्।