वीरगञ्जमा फेरि बढाइयोे कर्फ्यू , साँझ ६ बजेसम्म कर्फ्यू आदेश

वीरगञ्ज । धार्मिक सद्भाव भड्किन नदिन वीरगञ्जमा जारी कर्फ्यू समय थप गरिएको छ ।

एक सूचना जारी गर्दै प्रशासनले आज साँझ ६ बजेसम्म कर्फ्यू  रहने जानकारी गराएको छ । आज दिउँसो १ बजेसम्मका लागि लागु गरिएको कर्फ्यू  अवधि बेलुका ६ बजेसम्म निरन्तरता दिएको हो ।  

जिल्ला प्रशासन कार्यालय पर्साले जारी गरेको विज्ञप्तिमा कर्फ्यू  आदेश उल्लङ्घन गर्नेहरूविरुद्ध कडा कदम चालिने स्पष्ट गरिएको छ ।

आवश्यक परे सुरक्षाकर्मीलाई गोली चलाउन समेत अधिकार दिइएको उल्लेख गर्दै प्रशासनले सर्वसाधारणलाई संयमित रहन र आदेशको पूर्ण पालना गर्न अनुरोध गरेको छ ।

वीरगन्ज महानगरको पूर्वमा बसपार्क, नगवा, इनर्वा, पश्चिममा सिर्सिया पुल, दक्षिणमा शंकराचार्य गेट र उतरमा गण्डक चोकसम्म कर्फ्यू लगाइएको छ ।