कोशी प्रदेशमा मन्त्रिपरिषद पुनर्गठन हुँदै, सबै मन्त्रीहरूलाई फिर्ता बोलाउने तयारी

विराटनगर । कोशी प्रदेशका मुख्यमन्त्री हिक्मत कार्कीले आज मन्त्रिपरिषद् पुनर्गठन गर्ने भएका छन् ।  

गठबन्धनमा रहेका कांग्रेस र एमालेले आफ्ना मन्त्रीहरूलाई फिर्ता गर्दै नयाँ अनुहार पठाउने समझदारी भएको बताइएको छ । 

सबै बहालवाला मन्त्री फिर्ता बोलाएर नयाँ नियुक्ति गर्न कांग्रेस संसदीय दलका नेता उद्धव थापा र मुख्यमन्त्री कार्कीबीच सहमति भइसकेको  र आजै बेलुकासम्ममा मन्त्रिमण्डल पुनर्गठन हुने बताइएको छ । 

स्रोतका अनुसार एमालेबाट सरकारमा जाने नयाँ अनुहारमा विदुर लिङथेप, इन्द्रमणि पराजुली, रामप्रसाद महतो र उमाकान्त गौतम रहेका छन् । 

त्यस्तै कांग्रेसबाट प्रदीप सुनुवार, , भीम पराजुली ,मानबहादुर लिम्बु , शोभा चेम्जोङ र इस्राइल मन्सुरी मन्त्री बन्ने भएका छन् ।