आज दिल्ली जाँदै नेकपा संयोजक प्रचण्ड

काठमाडौँ — नेपाली कम्युनिस्ट पार्टीका संयोजक पुष्पकमल दाहाल प्रचण्ड आज भारतको राजधानी नयाँदिल्ली जाँदैछन् ।
नेकपा निकट प्रवासी नेपाली समाजको कार्यक्रममा सहभागी हुन प्रचण्ड दिल्ली जान लागेको उनको सचिवालयले जनाएको छ ।

जेनजी आन्दोलनपछि एकीकृत समाजवादीसहितका दलहरु समेटेर नेपाली कम्युनिस्ट पार्टी गठन गरेपछि प्रचण्डको यो पहिलो दिल्ली यात्रा हो ।

माओवादी केन्द्र र एकीकृत समाजवादी लगायत दलको एकता भएपछि भारतमा रहेका प्रवासी नेपाली संगठनहरुको एकता सन्देश सभालाई सम्बोधन गर्न उनी दिल्ली जान लागेका हुन् ।

दिल्ली बसाइका क्रममासन्देश सभालाई सम्बोधन गर्ने बाहेक अन्य राजनीतिक भेटघाटका कार्यक्रम नरहेकोे र प्रचण्ड भोली साँझ नै नेपाल फर्कने उनको सचिवालयले जनाएको छ ।