कतारले दियो १३ नेपालीलाई आममाफी

काठमाडौं । विभिन्न अपराधमा जेलमा रहेका १३ जना नेपालीलाई कतारले आममाफी दिएको छ  ।

कतारले आफ्नो राष्ट्रिय दिवस तथा अन्तर्राष्ट्रिय आप्रवासन दिवसको अवसरमा उनीहरुलाई आममाफी दिएको हो ।

नेपाल सरकार परराष्ट्र मन्त्रालयले  एक विज्ञप्ति जारी गर्दै कतारले १३ जना नेपाली कैदीहरूलाई आममाफी दिएको जनाएको हो । उदारतापूर्वक प्रदान गरिएको अमिरी आममाफीको लागि नेपाल सरकारले कतार सरकारप्रति आभार प्रकट गरेको छ ।
 
आममाफी नेपाल र कतारबीचको विद्यमान द्विपक्षीय सम्बन्धमा गहिरो मित्रता र सौहार्दताको अभिव्यक्तिको रूपमा रहेको बताउँदै मानवीय आधारमा दिइएको दयालु क्षमादानको उच्च कदर गरिएको परराष्ट्र मन्त्रालयले जारी गरको विज्ञप्तीमा उल्लेख छ ।

कतारमा हाल करिब ५ लाख नेपाली कार्यरत छन् ।