यमनमा ९० दिने संकटकाल घोषणा, युएईसँगको सुरक्षा सम्झौता रद्ध

युएई समर्थित दक्षिणी संक्रमणकालीन परिषद्ले यमनको हधरामौत र अल–महराह प्रान्तका रणनीतिक क्षेत्रहरू कब्जा गरेपछि यमनको राष्ट्रपतीय नेतृत्व परिषद्का अध्यक्ष रशाद अल–अलिमीले ९० दिनको देशव्यापी संकटकाल घोषणा गरेका छन् । 

साथै  राष्ट्रपति अल–अलिमीले सबै सीमानाकाहरू ७२ घण्टाका लागि बन्द गर्ने र संयुक्त अरब इमिरेट्ससँगको सुरक्षा सम्झौता रद्ध गर्ने निर्णय समेत गरेका छन् ।

सरकारी समाचार एजेन्सी साबाद्वारा जारी आधिकारिक विज्ञप्तिअनुसार यो निर्णयसँगै देशभरका सबै हवाई, समुन्द्री र स्थल बन्दरगाह तथा सीमानाकाहरूमा तत्काल लागू हुनेगरी ७२ घण्टाको प्रतिबन्ध (नाकाबन्दी) लगाइएको छ । 
राष्ट्रपति अल–अलिमीले यमनको हधरामौत र अल–महराह युएई समर्थित सेनालाई २४ घण्टाभित्र फिर्ता हुन आदेश समेत दिएका छन् ।