मधेशले पायो तीन वर्षमा पाँचौ मुख्यमन्त्री

नेपाललिड । मधेश प्रदेशले तीन वर्षमै पाँचौँ मुख्यमन्त्री पाएको छ। यसपटक जिम्मेवारी पाएका छन् । नेपाली कांग्रेस संसदीय दलका नेता कृष्णप्रसाद यादव। सात दलको ठूलो गठबन्धनले यादवलाई मुख्यमन्त्री बनाउने निर्णय गरेसँगै प्रदेश प्रमुख सुरेन्द्र लाभ कर्णले संविधानको धारा १६८(२) अनुसार मुख्यमन्त्री नियुक्त गरेका हुन्। शपथ शनिबार बिहान हुँदैछ।

तीन वर्षमा कोको बने मुख्यमन्त्री ?

१. सरोजकुमार यादव (जसपा) – पुस २९ मा बने, जेठ २३ मा विश्वासको मत गुमाए।

२. सतिशकुमार सिंह (जनमत) – जेठ २५ मा आए, असोज २८ मा पार्टीकै खेल भनी राजीनामा।

३. जितेन्द्र सोनल (लोसपा) – असोज २९ मा बने, २५ दिनमै दबाबमा बाहिरिए।

४. सरोजकुमार यादव (एमाले) – प्रदेश प्रमुखले रातारात होटलमै शपथ गराएर विवादै विवाद। पछि सर्वोच्चले २४ घन्टामा विश्वासको मत ल्याउन भनेपछि उनले बुधबार मात्रै राजीनामा दिएका थिए ।

५. कृष्णप्रसाद यादव।

प्रदेश मात्र होइन, देशभरै अस्थिरता

मधेश मात्र हैन, अरू प्रदेशको हालत पनि उस्तैछ । कोशीमा ५ पटक मुख्यमन्त्री फेरियो भने बागमतीमा ३ पटक फेरियो । त्यसबाहेक गण्डकी, लुम्बिनी र सुदूरपश्चिममा ४–४ पटक मुख्यमन्त्री फेरिँदा कर्णालीमा २ पटक मुख्यमन्त्री फेरिए ।