प्रतिनिधि सभा निर्वाचन: समानुपातिकतर्फ उम्मेदवारको बन्द सूची पेस गर्ने समय सूरु

काठमाडौं । फागुन २१ मा गर्ने भनिएको  प्रतिनिधि सभा निर्वाचनका लागि आजदेखि समानुपातिक उम्मेदवारको बन्दसूची पेस गर्ने समय सुरु भएको छ ।

निर्वाचन आयोगका अनुसार निर्वाचनकालागि दर्ता भएका दलहरुले बन्द सूची पेस गर्ने समय भोलि राति १२ बजेसम्मका लागि तोकिएको छ । आयोगले सार्वजनिक गरेको कार्यतालिकाअनुसार दलहरुले पेस गरेको समानुपातिकतर्फको बन्द सूचीका बारेमा पुस १५ देखि २० गतेसम्म छानबिन गरिने छ ।

त्यस्त सूची छानबिन गरेपछि पुस २१ गतेदेखि २७ गतेसम्म दललाई मिलाउन समय दिने कार्यतालिका छ । पुस २८ गतेदेखि माघ ३ गतेसम्म दलले मिलाएको बन्द सूची ठिक छ वा छैन भनेर हेरि आयोगले माघ ४ गते बन्द सूची प्रकाशन गर्नेछ । माघ २० गते अन्तिम सूची प्रकाशन गर्ने आयोगले जनाएको छ ।