काठमाडौंकी उपमेयर सुनिता डंगोलको नामबाट फेक ह्वाट्स एप अकाउन्ट

काठमाडौं । काठमाडौं महानगरपालिकाकी उपमेयर सुनिता डंगोलको नामबाट ह्वाट्स एप एकाउन्ट बनाई स्क्याम गरेको पाइएको छ ।

डंगोलले सामाजिक सञ्जालमार्फत् स्क्रिनसटसमेत राख्दै त्यो खाता र नम्बर आफ्नो नभएको बताएकी छिन् । डंगोलले सार्वजनिक गरेका स्क्रिनसटमा स्क्यामरले आफूलाई अप्ठ्यारो परेको भन्दै ई–सेवाको क्यूआर पठाएर पैसा मागेका छन् ।

आफूले नेपाल प्रहरी र दूरसञ्चार निकायलाई जानकारी गराएर कानूनी प्रक्रिया अघि बढाइसकेको भन्दै सुनिताले कुनै पनि आर्थिक कारोबार नगर्न र ठगीको सिकार नबन्न अनुरोध गरेकी छन् ।

उनले लेखेकी छन्, 

🔴 अत्यन्त जरुरी सूचना
⚠️ सावधान रहनुहोस् – ठगी सम्बन्धी सूचना ⚠️
मेरो नाम र फोटो दुरुपयोग गरी नक्कली नम्बरबाट पैसा माग्ने कार्य भइरहेको जानकारी प्राप्त भएको छ।
🚫 यो म होइन र यो मेरो नम्बर पनि होइन।
कृपया यस्तो सन्देश आएमा पैसा नपठाउनुहोस् र प्रतिक्रिया नदिनुहोस्।
यस विषयमा मैले कानुनी प्रक्रिया अघि बढाइसकेको छु र नेपाल प्रहरी तथा सम्बन्धित दूरसञ्चार निकायलाई जानकारी गराइसकेको छु।
सबैलाई सजग रहन, सत्यापन नगरी कुनै पनि आर्थिक कारोबार नगर्न र ठगीको सिकार नबन्न हार्दिक अनुरोध गर्दछु।
यो सूचना अरूलाई पनि जानकारी गरिदिनुहुन अनुरोध छ । 

हेर्नुहोस् उनले फेसबुकमा सार्वजनिक गरेको स्क्रिनसट