कोशी प्रदेशमा कसरी घट्यो धान उत्पादन ?

कोशी प्रदेशमा धान उत्पादनको राजधानी मानिने मोरङ, झापा र सुनसरीमै घट्यो धान उत्पादन । प्रदेश कृषि निर्देशनालयका अनुसार झापामा यो वर्ष ३ लाख ५४ हजार ३ सय ५१ मेट्रिकटन धान उत्पादन भयो । अघिल्लो वर्ष ३ लाख ८२ हजार ८ सय १२ मेट्रिकटन उत्पादन भएको थियो । यो झापामा वर्ष करिब २८ हजार टन उत्पादन घटेको हो । मोरङमा गत वर्ष ३ लाख ३९ हजार टन धान फलेको थियो । यो वर्ष ३ लाख ३६ हजार ९ सय २० टन मात्रै उत्पादन भयो । सुनसरीमा गत वर्ष २ लाख १७ हजार टन उत्पादन हुँदा यसपटक २ लाख ११ हजार ६ सय ८ टन मात्रै फल्यो । आगामी वर्ष बीउ सुधार, सिँचाइ बिस्तार र आपतकालीन कृषि सहायताका कार्यक्रम प्रभावकारी रूपमा लागू गर्न सके मात्र प्रदेशको धान उत्पाद सुधारिन सक्ने कृषि विज्ञको सुझाव छ ।