जेन–जी आन्दोलनका क्रममा आगजनी भएको कांग्रेसको पार्टी कार्यालय अनुगमन गर्न सानेपा पुग्यो सरकारी टोली (तस्बिरहरु)

काठमाडौं । आज सरकारी टोलीले जेनजी आन्दोलनका क्रममा आगजनी भएका राजनीतिक दलको कार्यालयको अनुगमन गर्दै छ ।
 
यसक्रममा सरकारद्वारा गठित राजनीतिक संवाद समितिको टोली सानेपास्थित कांग्रेस कार्यालयमा पुगेर अनुगमन गरेको हो ।

कानुनमन्त्री अनिलकुमार सिन्हा, सञ्चारमन्त्री जगदीश खरेल र प्रधानमन्त्रीका मुख्य सल्लाहकार अजयभद्र खनालसहितको टोलीले पार्टी कार्यालयको अनुगमनका साथै नेपाली कांग्रेसका उपसभापति धनराज गुरुङ लगायतका नेताहरुसँग छलफल समेत गरेको थियो ।
 
टोलीले आजै नेकपा एमाले र तत्कालीन माओवादी केन्द्र लगायत दलका कार्यालय पनि अनुगमन गर्ने छन् ।