ओलीका सहयोगी अब ईश्वर ग्याङमा

काठमाडौं ।  वरिष्ठ उपाध्यक्ष ईश्वर पोखरेल ‘काउन्टर’ दिने गरी तयारी गर्दा महाधिवेशन प्रतिनिधिमै उनका समर्थक रोक्ने ओली योजनाले विवाद भुसको आगो जस्तै फैलिएको छ । कुनैबेला ओलीकै खास मानिने गोकुल बाँस्कोटा, कर्ण थापा, विनोद ढकालहरु ओलीलाई हराउन र पोखरेललाई जिताउन दिनरात मेहनत गरिरहेका छन् ।

केहीदिनदेखि लगातार गोप्य छलफलमा जुटेका पोखरेल पक्षधरहरु ओली आत्यिएको बताउँछन् । ओली पक्षले ७० प्रतिशत महाधिवेशन प्रतिनिधि आफ्नो पक्षमा रहेको दाबी गरिरहँदा गोकुल बाँस्कोटाहरु बाहिर हल्ला फिजाँएपनि भित्र ओली त्रसित देखिएको बताउने गर्छन् । त्यही डरले प्रतिनिधि छनौटमा पाखुरा सुर्केर घातक संस्कार हुर्काउन खोजेको गोकुल बाँस्कोटाले निष्कर्ष निकालेका छन् । सामाजिक सञ्जालमा बाँस्कोटाले प्रायः सबै महाधिवेशनमा नीति विचारकै बहस चर्किदा अहिले प्रतिनिधि छनौटमा पाखुरा सुर्केको सुनियो ।

यो घातक संस्कार हुर्कन दिन हुँदैन । भन्दै लेखेका छन् । अहिले एमालेमा ११औँ महाधिवेशनका लागि प्रतिनिधि छनौटमा घोटाला भएको पोखरेल पक्षको बुझाइ रहेछ । त्यति गर्दा पनि ओलीसँग मन भरिएको गोकुलहरुको ठहर छ । गोकुल, कर्ण, विनोदहरु कम्मर कसेर प्रतिनिधि फकाउनेदेखि ओलीसँग असन्तुष्ट नेता तान्ने ध्याउन्नमा लागिपरेका छन् । दिनहुँ जसो छलफलमा जुटेका उनीहरु आज पनि छलफलमै छन् । बेला बखत विद्या भण्डारीसँग छलफल गर्नपनि उनीहरु पुगिहाल्छन् ।  

हेर्नुहोस् भिडियो