निर्वाचनमा केन्द्रित हुन ७७ वटै जिल्ला सभापतिलाई कांग्रेसको परिपत्र, देउवाको साथ रहने गगन थापाको विश्वास

काठमाडौं ।  नेपाली कांग्रेसले आगामी फागुन २१ गते हुने प्रतिनिधिसभा निर्वाचनमा केन्द्रित हुन देशभरका ७७ वटै जिल्ला सभापति र क्षेत्रीय कार्यसमितिलाई परिपत्र जारी गरेको छ।

विशेष महाधिवेशनमा सहभागी भएका वा नभएका, सहमत तथा असहमत सबैलाई विधि–विधानको निर्णय स्वीकार गर्दै जित–हारको बहस नगरी चुनावमा केन्द्रित हुन कांग्रेसले आग्रह गरेको छ।

महामन्त्रीद्वय प्रदीप पौडेल र गुरुराज घिमिरेद्वारा जारी परिपत्रमा वर्तमान राजनीतिक परिस्थितिमा पार्टीलाई अघि बढाउन निवर्तमान सभापति शेरबहादुर देउवाको साथ रहने विश्वास व्यक्त गरिएको छ।

परिपत्रमा भनिएको छ, ‘यस परिस्थितिमा नेपाली कांग्रेसलाई अगाडि बढाउन पार्टीका निवर्तमान सभापति शेरबहादुर देउवालगायत पार्टीका विभिन्न तह र निकायमा रहनुभएका साथीहरूबाट पार्टीको यो लोकतान्त्रिक प्रक्रियालाई सहज रूपमा लिई पूर्ण साथ रहनेछ भन्ने विश्वास लिइएको छ।’

हेर्नुहाेस् परिपत्र