महिला टी–२० विश्वकप ग्लोबल छनोट: नेपाल आज नेदरल्यान्ड्ससँग भिड्दै

काठमाडौं ।  आईसीसी महिला टी–२० विश्वकप ग्लोबल छनोट अन्तर्गत आफ्नो दोस्रो खेलमा नेपालले आज नेदरल्यान्ड्ससँग प्रतिस्पर्धा गर्दैछ। खेल कीर्तिपुरस्थित त्रिवि अन्तर्राष्ट्रिय क्रिकेट रंगशालामा बिहान ९ बजे सुरु हुनेछ।

यसअघि आफ्नो पहिलो खेलमा नेपाल थाइल्यान्डसँग ८ विकेटले पराजित भएको थियो। उता नेदरल्यान्ड्सले भने लगातार दुई खेल जित्दै प्रतियोगितामा राम्रो सुरुआत गरेको छ।

१० टोली सहभागी यो प्रतियोगिता माघ १८ गतेसम्म सञ्चालन हुनेछ। प्रतियोगितामा दुवै समूहबाट शीर्ष तीन स्थानमा रहने टोलीहरू ‘सुपर–सिक्स’ चरणमा प्रवेश गर्नेछन्।

‘सुपर–सिक्स’ चरणबाट शीर्ष चार टोली आउँदो वर्ष इङ्ग्ल्यान्ड र वेल्समा आयोजना हुने आईसीसी महिला टी–२० विश्वकपमा छनोट हुनेछन्।