निर्वाचनको इपिसेन्टर झापा-५, ओली र बालेन बिच महाभिडन्त हुने तय

काठमाडौं | आगामी फागुन २१ गते हुने प्रतिनिधि सभा निर्वाचनको सबैभन्दा ठूलो प्रतिस्पर्धा झापा-५ मा हुने तय भएको छ । राष्ट्रिय स्वतन्त्र पार्टीका वरिष्ठ नेता बालेन शाहले औपचारिक रुपमा नै झापा-५ को प्रतिनिधिसभा निर्वाचनको उम्मेदवारको टिकट लिएका छन् । 

उनले पार्टी सभापति रवि लामिछानेमार्फत जनकपुरमा टिकट लिएका हुन् । लामिछाने र बालेन दुवै पार्टीको सभाका लागि जनकपुर पुगेका थिए । अन्तत: फागुन २१ गते हुने प्रतिनिधि सभा निर्वाचनमा झापा-५ मा एमाले अध्यक्ष केपी शर्मा ओली र बालेन शाह बिच प्रतिस्पर्धा हुने भएको हो । 

काठमाडौं महानगरको मेयर बालेनलाई प्रधानमन्त्रीको उम्मेदवारका रूपमा अगाडि सार्दै रास्वपाले पूर्व प्रधानमन्त्री ओलीको गृह जिल्लाको उम्मेदवार बनाएको हो । झापा ५ मा नेकपाले रञ्जित तामाङलाई उम्मेदवार बनाएको छ । यस्तै राप्रपाबाट लक्ष्मी संग्रौलाले उम्मेदवारी दिने तयारी गरिरहेकी छिन् ।