एमालेको प्रत्यक्ष उम्मेदवारीमा महिला प्रतिनिधित्व न्यून, १६५ क्षेत्रमा ९ जना मात्रै

काठमाडौं – नेकपा एमालेले सार्वजनिक गरेको प्रतिनिधिसभा उम्मेदवारहरूको सूचिमा महिलाको प्रतिनिधित्व अत्यन्त न्यून देखिएको छ। सातै प्रदेशका १६५ निर्वाचन क्षेत्र समेटिएको प्रारम्भिक सूचीमा जम्मा करिब ९ जना महिला उम्मेदवार मात्रै परेका छन्।
उम्मेदवार सूची विश्लेषण गर्दा महिला उम्मेदवारहरू यसप्रकार छन्–

कमला बोहरा – कञ्चनपुर
विमला विक – बर्दिया
भगवती न्यौपाने – तनहुँ
मञ्जु शर्मा चालिसे – बागलुङ
ज्वालाकुमारी साह - बारा
जुली महतो – धनुषा
भगवती चौधरी – सुनसरी
कल्पना राई – सोलुखुम्बु
अस्मिता थापा – ओखलढुंगा


सयौँ नाम सार्वजनिक हुँदा दुई अंक मात्रै महिला उम्मेदवार रहनुले संविधानले व्यवस्था गरेको कम्तीमा ३३ प्रतिशत महिला प्रतिनिधित्वको मर्मसँग एमालेको निर्णय मेल नखाने देखिएको छ।

पार्टीले प्रत्यक्षतर्फ महिलाको उपस्थिति कमजोर बनाए पनि समानुपातिक सूचीबाट पूर्ति गर्ने दाबी गर्दै आएको छ। तर प्रत्यक्ष निर्वाचनमा महिलालाई पर्याप्त अवसर नदिएको भन्दै पार्टीभित्रै असन्तोष देखिन थालेको छ।