विसं १९९० माघ २ गते गएको विनाशकारी भूकम्पको सम्झना : २८औँ राष्ट्रिय भूकम्प सुरक्षा दिवस मनाइँदै

काठमाडौं । विसं १९९० माघ २ गते गएको विनाशकारी भूकम्पको सम्झनामा २८औँ राष्ट्रिय भूकम्प सुरक्षा दिवस आज देशभर विभिन्न कार्यक्रमसहित मनाइँदैछ।

विसं १९९० माघ २ गते दिउँसो २ बजेर २४ मिनेटमा गएको भूकम्पको स्मृतिमा २०५५ सालदेखि हरेक वर्ष माघ २ गते राष्ट्रिय भूकम्प सुरक्षा दिवस मनाउने गरिएको हो।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार संघ, प्रदेश र स्थानीय तहका सरकारहरूले आ–आफ्नो क्षेत्रमा विभिन्न कार्यक्रम आयोजना गरी दिवस मनाउँदैछन्। यसैक्रममा आज काठमाडौंमा प्रधानमन्त्री शुशिला कार्कीको उपस्थितिमा भूकम्प सुरक्षा सम्बन्धी विशेष कार्यक्रम आयोजना हुँदैछ, जसमा विपद् जोखिम न्यूनीकरणको क्षेत्रमा कार्यरत विभिन्न संघ–संस्थाहरूको सहभागिता रहनेछ।

विज्ञहरूले भूकम्पपछिको सम्भावित अवस्थाको पूर्वआँकलन गर्दै प्रभावकारी तथा द्रुत खोज तथा उद्धार, तालिमप्राप्त उद्धारकर्मीको व्यवस्थापन र तत्काल राहत सामग्रीको तयारीलाई अझ सुदृढ बनाउनु अहिलेको प्रमुख आवश्यकता रहेको औंल्याउँदै आएका छन्।