जेन–जी आन्दोलन जाँचबुझ आयोगको म्याद एक महिना थप्ने तयारी, बयान दिन ओली जालान् ?

जेन–जी आन्दोलनबारे गठन गरिएको जाँचबुझ आयोगले अर्को हप्तादेखि राजनीतिक दलका नेताहरूसँग बयान लिने तयारी गरेको छ। आयोगका अध्यक्ष गौरीबहादुर कार्कीले बुधबार प्रधानमन्त्री सुशीला कार्कीलाई भेटेर आयोगको प्रगति र बयान लिने तयारीबारे जानकारी गराएका हुन्।

आयोगले आफ्नो म्याद एक महिना थप गर्न पनि प्रधानमन्त्रीसँग आग्रह गरेको छ। आयोगको म्याद यही पुस ९ गते सकिँदैछ। बाँकी काम पूरा गर्न समय नपुगेको भन्दै म्याद थप आवश्यक रहेको अध्यक्ष कार्कीले बताएका छन्। उनका अनुसार प्रारम्भिक चरणमा बिदा, ढिलो तथ्यांक प्राप्ति र प्रहरीबाट विवरण समयमै नआएकाले काम प्रभावित भएको थियो।

राजनीतिक दलका नेतामध्ये तत्कालीन प्रधानमन्त्री केपी शर्मा ओली र तत्कालीन गृहमन्त्री रमेश लेखकलाई बयानका लागि बोलाउने तयारी छ। तर ओलीले आयोगलाई नमान्ने भन्दै बयान दिन नजाने सार्वजनिक रूपमा बताउँदै आएका छन्। ओली बयान दिन नगए के हुन्छ ?
थप भिडियोमा हेर्नुहोस् ।