कांग्रेस विशेष महाधिवेशन र संस्थापन पक्षबीच लाजिम्पाटमा वार्ता

काठमाडौं । विशेष महाधिवेशनका कारण नेपाली कांग्रेसमा देखिएको विवाद समाधानका लागि संस्थापन पक्ष र विशेष महाधिवेशन पक्षबीच वार्ता सुरु भएको छ।

काठमाडौँको लाजिम्पाटमा दुवै पक्षबीच छलफल भइरहेको हो। वार्तामा सभापति शेरबहादुर देउवा पक्षबाट रमेश लेखक र बालकृष्ण खाँण सहभागी छन्। शेखर कोइराला पक्षबाट सहमहामन्त्री जीवन परियार र नेता मिनेन्द्र रिजाल सहभागी भएका छन्।

त्यस्तै, विशेष महाधिवेशन पक्षधरबाट प्रदीप पौडेल, मधु आचार्य, गुरुराज घिमिरे र देवराज चालिसे वार्तामा सहभागी छन्।

यसअघि विशेष महाधिवेशन सञ्चालन गरिरहेका महामन्त्रीद्वय गगन थापा र विश्वप्रकाश शर्माले संस्थापन पक्षसँग वार्ता गर्न चार सदस्यीय समिति गठन गरेका थिए। वार्ताबाट कांग्रेसभित्र देखिएको विवाद समाधानका लागि सहमतिको प्रयास भइरहेको नेताहरूले बताएका छन्।