बागमतीमा समस्याग्रस्त सहकारी व्यवस्थापन समिति पुनर्गठन, अध्यक्षसहित तीन पदाधिकारी मनोनयन

सरकारका प्रवक्ता तथा आर्थिक मामिला तथा योजना मन्त्री प्रभात तामाङका अनुसार समस्यामा परेका सहकारीहरूको व्यवस्थापन व्यवस्थित बनाउने र पीडित बचतकर्तालाई समयमै राहत दिन समितिको पुनर्गठन गरिएको हो।

मन्त्रिपरिषद् बैठकले स्वास्थ्य मन्त्रालयका प्रस्तावमा काभ्रेको धुलिखेलमा रहेको प्रदेश जनस्वास्थ्य प्रयोगशाला कार्यालयलाई भक्तपुरमा स्थानान्तरण गर्ने निर्णय पनि गरेको छ। यसअघि धुलिखेलबाट सेवा दिँदै आएको प्रयोगशाला अब भक्तपुरबाट सञ्चालन हुनेछ।

यस्तै, स्वास्थ्य मन्त्रालयकै अर्को प्रस्तावमा ‘एक विद्यालय, एक नर्स’ कार्यक्रम सञ्चालनसम्बन्धी तेस्रो कार्यविधि संशोधन पनि पारित गरिएको छ। संशोधित कार्यविधिले कार्यक्रम कार्यान्वयनलाई थप प्रभावकारी बनाउने अपेक्षा गरिएको छ।

प्रदेश सरकारले पछिल्ला निर्णयहरूलाई सहकारी सुधार, स्वास्थ्य सेवा विस्तार र सार्वजनिक सेवा प्रवाहलाई सुदृढ बनाउने दिशामा केन्द्रित कदमका रूपमा प्रस्तुत गरेको छ।