जेनजी घटनाबारे जाँचबुझ आयोगलाई रमेश लेखकले दिएको बयानमा के छ ? (पूर्णपाठसहित)

 भाद्र २३ र २४ का दिन नेपालले नचाहँदा–नचाहँदै इतिहासकै सबैभन्दा दर्दनाक र लज्जास्पद दृश्यहरू देख्यो। त्यही घटनाबारे छानबिन गर्न बनेको आयोगसमक्ष सोमबार तत्कालीन गृहमन्त्री रमेश लेखकले लामो, विस्तृत र भावनात्मक लिखित बयान दिएका छन्। लेखकले सार्वजनिक गरेको ७ पृष्ठ लामो बयानमा के छ ?
१. घटना दुःखद थियो, माग जायज थिए
रमेश लेखकको बयानको सुरुवात नै पीडाबाट हुन्छ। उनले जेन–जी युवाहरूले उठाएका माग गलत नभएको र भ्रष्टाचारविरुद्ध आवाज, सुशासनको चाहना र अभिव्यक्तिको स्वतन्त्रता—यी सबै जायज माग भएको बताएका छन् । तर त्यो शान्तिपूर्ण प्रदर्शन घुसपैठका कारण हिंसात्मक बनेको र त्यसले युवाहरूको ज्यान लिएको उनको निष्कर्ष छ ।
२. सुरक्षा संयन्त्रलाई ‘बल नचलाउन’ स्पष्ट निर्देशन
लेखकले आफू गृहमन्त्री हुँदा के–कस्तो भूमिका खेले भन्ने कुरा विस्तारमा राखेका छन्।
भाद्र २२ गते साँझै उनले केन्द्रीय सुरक्षा समिति बैठक बोलाएका थिए—जहाँ सेना, प्रहरी, सशस्त्र, गृहसचिव, सीडीओ सबै थिए।
उनको मुख्य निर्देशन तीन वटा मात्रै थियोः

• कुनै हालतमा क्याजल्टी नहोस्
• समन्वय गरेर शान्ति सुरक्षा मिलाओस्
• प्रदर्शन नेतृत्वविहीन हुन सक्छ, घुसपैठ हुन सक्छ—सावधान रहनुहोस्

• महेन्द्रनगर र काठमाडौंका घर जले
• हजारौँ ऐतिहासिक कागजात, पुस्तक नष्ट भए
• सबैभन्दा पीडादायी—अक्सिजनमा रहेकी आमालाई समयमै अस्पताल पुर्‍याउन नसक्दा केही दिनमै उनको निधन