गोरखामा ४९.६४ प्रतिशत मत खस्यो

काठमाडौं । गोरखामा ४९.६४ प्रतिशत मत खसेको छ । 

दुई निर्वाचन क्षेत्र रहेको जिल्लामा दुईलाख २९ हजार ५८  मतदाता छन् ।  तिमध्ये १ लाख १३ हजार ७ सय २५ जनाले मतदान गरेको प्रारम्भिक विवरण प्राप्त भएको जिल्ला निर्वाचन कार्यालयका सूचना अधिकारी रविलाल सुवेदीले जानकारी दिए ।  कुल मतदाता मध्ये ४९.६४ प्रतिशतले मतदान गरेका छन् । 

जिल्लामा शान्तिपुर्ण रुपमा निर्वाचन सम्पन्न भएको छ । मतपेटिका संकलनको क्रम पनि सुरु भैसकेको छ । मतपेटिका संकलन पश्चात सर्वदलिय वैठक बसेर मतगणनाका लागी तयारी थाल्ने उनले बताए । 

गोरखामा २ अस्थायी सहित ३३३ मतदान केन्द्र छन् ।  यहाँ क्षेत्र नं १ मा  ११ राजनीतिक दलका ११ र स्वतन्त्र एक गरी १२ उम्मेद्वार छन् ।त्यस्तै क्षेत्र नं २ मा दुई स्वतन्त्र सहित १३ जना उम्मेदवार छन् ।