तोलमा ३२ सयले बढ्यो सुन, चाँदीमा १ सय ७० रुपैयाँले वृद्धि

काठमाडौं । नेपाल सुनचाँदी व्यवसायी महासंघका अनुसार सोमबार सुनको मूल्य तोलामा ३ हजार २ सय रुपैयाँ बढेर ३ लाख १३ हजार ५ सय रुपैयाँ पुगेको छ।

अघिल्लो दिन ३ लाख १० हजार ३ सय रुपैयाँमा कारोबार भएको थियो। यसअघि माघ १५ गते सुन ३ लाख ३९ हजार रुपैयाँ पुगेको रेकर्ड छ।
चाँदीको भाउ पनि १७० रुपैयाँ बढेर ५ हजार ५९५ रुपैयाँ कायम भएको छ। बजारमा अन्तर्राष्ट्रिय मूल्य र मागका आधारमा उतारचढाव देखिएको महासंघले जनाएको छ।