पाँच महिनामा नेपालको वैदेशिक व्यापार ९ खर्ब नजिक

काठमाडौं ।  नेपालको वैदेशिक व्यापार चालु आर्थिक वर्ष २०८२/८३ को पहिलो पाँच महिनामै ९ खर्ब रुपैयाँ नजिक पुगेको छ। भन्सार विभागका अनुसार मंसिर मसान्तसम्म ८ खर्ब ८२ अर्ब ६९ करोड रुपैयाँ बराबरको वैदेशिक व्यापार भएको छ। अघिल्लो आर्थिक वर्षको सोही अवधिको तुलनामा २० प्रतिशतभन्दा बढी वृद्धि हो।

तर प्रश्न यहीँ छ—
व्यापार बढ्नु राम्रो कि घाटा बढ्नु चिन्ताजनक ?

५ महिनाको कुल वैदेशिक व्यापार 

हरेक ६ रुपैयाँ आयात हुँदा १ रुपैयाँ मात्रै निर्यात भइरहेको अवस्था अझै कायम छ।

आयात र निर्यात दुवै बढे, तर घाटा किन घटेन ?

• आयात १५.८३ % ले बढ्यो
• निर्यात ५८.१७ % ले बढ्यो
• तर व्यापार घाटा अझै पनि १०.५२ % ले बढ्यो

यसको मुख्य कारण  निर्यात बढे पनि आयातको आकार अझै धेरै ठूलो हुनु भन्ने हो । 

इन्धन आयातले फेरि जित्यो निर्यात

पहिला–पहिला केही महिना निर्यात इन्धन आयातभन्दा अगाडि थियो। तर पाँचौं महिना पुग्दा तस्वीर फेरि उल्टिएको छ।

इन्धन आयात पाँच महिनामा १ खर्ब २१ अर्ब

कुल निर्यात १ खर्ब १६ अर्ब

यसको अर्थ देशले बेचेर कमाएको भन्दा बढी पैसा तेलमै गुमायो।

नेपालले के–के धेरै आयात गर्‍यो ? 

स्मार्टफोनमा मात्रै सवा १९ अर्ब !

नेपालले के–के निर्यात गर्‍यो ? 

निर्यात बढेको छ, तर अझै पनि केही सीमित वस्तुमै निर्भर छ।

कुन देशसँग कति कारोबार ?

ठूला आयात साझेदार

चीन र अर्जेन्टिनासँग व्यापार असन्तुलन झन् गहिरो देखिन्छ।

यो तथ्यांकले वैदेशिक व्यापार बढ्नु सकारात्मक संकेत भएको देखाएको छ । तर आयातमुखी अर्थतन्त्र अझै बद्लिएको छैन । तेल, मोबाइल र कच्चा पदार्थमै ठूलो रकम बाहिरिँदैछ । निर्यात बढे पनि उद्योग, विविधिकरण र मूल्य अभिवृद्धि कमजोर देखिएको छ ।