रामेछाप बस दुर्घटनाः ज्यान गुमाउनेको संख्या १२ पुग्यो, ७ जना घाइतेलाई काठमाडौं ल्याइदैं

रामेछाप । रामेछापको मन्थली नगरपालिका त्रिवेणी नजिकै लिलौटी क्षेत्रमा भएको बस दुर्घटनामा ज्यान गुमाउनेको संख्या १२ पुगेको छ । दुर्घटनास्थलबाट थप तीन जनाको शव फेला परेपछि मृतकको संख्या १२ पुगेको हो । 

त्यस्तै दुर्घटनामा गम्भीर घाइते ७ जनालाई थप उपचारका लागि काठमाडौं ल्याइदैछ । 

काठमाडौंबाट ओखलढुङ्गातर्फ जाँदै गरेको प्रदेश ०३–०१–००५ ख १९७५ नम्बरको अरनिको यातायातको बस मंगलबार बिहान तामाकोशी नदीमा खसेको हो । 

बसमा कति यात्रु सवार थिए भन्ने यकिन हुन सकेको छैन । एपीएफ गुल्म रामेछाप र विपद् व्यवस्थाप बेस खुर्कोटबाट गोताखोरसहितको सुरक्षा फौज र नेपाल प्रहरीको संयुक्त टोलीले उद्धार कार्य जारी राखेको छ ।