ताप्लेजुङमा ४ म्याग्निच्युडको भूकम्प

काठमाडौं । ताप्लेजुङको कञ्चनजंघा आसपास क्षेत्रमा भूकम्प गएको छ। आज बिहान २ बजेर ४७ मिनेट जाँदा भूकम्प गएको हो।

राष्ट्रिय भूकम्प मापन तथा अनुसन्धान केन्द्रका अनुसार भूकम्पको तीव्रता ४ म्याग्निच्युड मापन गरिएको छ। भूकम्पको केन्द्रविन्दु नेपाल–भारत सीमा क्षेत्र नजिक रहेको जनाइएको छ। भूकम्पको धक्का पूर्वी नेपालका विभिन्न जिल्लामा महसुस गरिएको थियो।

हालसम्म भूकम्पबाट कुनै मानवीय वा भौतिक क्षतिको विवरण प्राप्त भएको छैन।