रोहितले तोडे पारसको कीर्तिमान, विश्वकपमा सर्वाधिक खेल कप्तानी गर्ने खेलाडी

मुम्बई ।  नेपाली राष्ट्रिय क्रिकेट टोलीका कप्तान रोहित पौडेलले पूर्व कप्तान पारस खड्काको कीर्तिमान तोड्दै नयाँ इतिहास रचेका छन्। आईसीसी पुरुष टी–२० विश्वकपको इतिहासमा नेपालका तर्फबाट सर्वाधिक खेलमा कप्तानी गर्ने रेकर्ड अब रोहितको नाममा दर्ज भएको छ। यसअघि सन् २०१४ मा बङ्गलादेशमा सम्पन्न विश्वकपमा पारस खड्काले हङकङ, बङ्गलादेश र अफगानिस्तानविरुद्ध कुल ३ खेलमा टोलीको नेतृत्व गरेका थिए।

अमेरिका र वेस्ट इन्डिजमा आयोजित टी–२० विश्वकप २०२४ मा रोहितले समूह चरणका चारवटै खेलमा कप्तानी सम्हाले। उनले नेदरल्यान्ड्स, श्रीलङ्का, दक्षिण अफ्रिका र बङ्गलादेशविरुद्ध टोलीको नेतृत्व गर्दै कप्तानी खेल सङ्ख्या ४ पुर्‍याए।

यससँगै रोहित पौडेल टी–२० विश्वकपमा नेपालको तर्फबाट सबैभन्दा धेरै खेलमा कप्तानी गर्ने खेलाडी बनेका छन्। युवा कप्तानका रूपमा उनले जिम्मेवारी र निरन्तरतासहित नेपाली क्रिकेटमा नयाँ अध्याय थपेका छन्।