तोलामा १४ हजार ४०० रुपैयाँले बढ्यो सुनको भाउ

काठमाडौ ।  नेपाली बजारमा सुनचाँदीको मूल्य फेरि वृद्धि भएको छ । बुधबार सुनको भाउ तोलामा १४ हजार ४०० रुपैयाँले बढेको छ ।

नेपाल सुनचाँदी व्यवसायी महासंघका अनुसार बुधबार सुनको मूल्य प्रति तोला ३ लाख ४ हजार ७०० रुपैयाँ निर्धारण भएको छ । हिजो मंगलबार सुनको भाउ २ लाख ९० हजार ३०० रुपैयाँ थियो ।

त्यसैगरी, चाँदीको भाउ पनि प्रतितोला २६५ रुपैयाँले बढेर ५ हजार ६०० रुपैयाँ कायम भएको छ । मंगलबार चाँदीको मूल्य प्रति तोला ५ हजार ३३५ रुपैयाँ रहेको थियो ।