तोलामा ३ हजार ७ सय रुपैयाँले बढ्यो सुनको मूल्य

काठमाडौं । केही दिनयता घटिरहेको सुनको भाउ मंगलबार बढेको छ । 

नेपाल सुनचाँदी व्यवसायी महासंघका अनुसार मंगलबार सुनको मूल्य तोलामा ३ हजार ७ सय रुपैयाँले बढेर प्रतितोला २ लाख ९० हजार ३०० रुपैयाँ कायम भएको छ ।

यसअघि सोमबार सुन प्रतितोला २ लाख ८६ हजार ६०० रुपैयाँमा किनबेच भएको थियो ।

यस्तै, चाँदीको मूल्य पनि बढेको छ । मंगलबार चाँदी तोलामा १३५ रुपैयाँले बढेर प्रतितोला ५ हजार ३३५ रुपैयाँ कायम भएको महासंघले जनाएको छ । चाँदी सोमबार प्रतितोला ५ हजार २०० रुपैयाँमा कारोबार भएको थियो।