एकैदिन ९ हजार ५ सयले बढ्यो सुन, तोलाको ३ लाख १८ हजार ८०० रुपैयाँ

काठमाडौं ।  नेपाली बजारमा सुनचाँदीको मूल्यले फेरि नयाँ किर्तिमान राखेको छ । 

नेपाल सुनचाँदी व्यवसायी महासङ्घका अनुसार बुधबार सुनको मुल्य एकैदिन ९ हजार ५ सय रुपैयाँले बढेर प्रति तोला ३ लाख १८ हजार ८०० रुपैयाँ पुगेको छ । 

त्यस्तै, चाँदीको मूल्य पनि ७ हजार ३०० रुपैयाँ कायम भएको छ, जुन अघिल्लो दिनको तुलनामा ४३० रुपैयाँले बढी हो । 

अन्तर्राष्ट्रिय बजारमा बुधबार एक औँस सुन ५,२०० अमेरिकी डलर र त्यति नै परिमाणको चाँदी १११ अमेरिकी डलरमा कारोबार भइरहेको सञ्चारमाध्यमहरूले जनाएका छन्।